कीर्तिमानी महिला आरोही पेम्वा डोमा शेर्पाको संस्मरणात्मक हुलाक टिकट प्रकाशन

हुलाक सेवा विभागले धौलागिरि हिमाल आरोहणको स्वर्णवर्ष तथा कीर्तिमानी महिला आरोही पेम्वा डोमा शेर्पाको संस्मरणात्मक हुलाक टिकट प्रकाशनमा ल्याएको छ ।

हुलाक सेवा विभागले राजधानीमा आयोजना गरेको समारोहमा सूचना तथा सञ्चार मन्त्री शंकर पोखरेलले टिकटमा पहिलो टाँचा लगाउनु भयो । समारोहमा मन्त्री पोखरेलले    विश्वसामु देशलाई चिनाउन र पर्यटक भित्र्याउन यस्ताखालका टिकटले मद्दत पुग्ने बताउनु भयो ।

हुलाक विभागले धौलागिरि हिमाल आरोहणको ५० वर्ष पुगेको अवसरमा र हिमाल आरोही    स्वर्गीय पेम्वा डोमा शेर्पाको कीर्तीमान विश्वसामु चिनाउन एक साथ दुइवटा टिकट प्रकाशनमा ल्याएको हो।

सगरमाथामा एकै दिन ९२ जना

सगरमाथा क्षेत्रमा मौसम सफा हुनेबित्तिकै विश्व साइकल यात्री पुष्कर शाहसहित ९२ जनाले सोमबार सर्वोच्च शिखर आरोहण गरेका छन् । बिहान साढे १० बजे शाह आफ्नो समूहसहित चुचुरो पुगेको पर्यटन मन्त्रालयले जनाएको छ । सोमबार नै उनीसमेत ५० नेपाली र ४२ विदेशी आरोहीले एडमन्ड हिलारी र तेन्जिङ शेर्पाको पद चाप पछ्याउँदै दक्षिणपूर्वी मोहडाबाट सर्वोच्च शिखरमा पाइला पुर्‍याएका हुन् । एक सय ४२ भन्दा बढी मुलुक साइकलबाट यात्रा गरेका शाहले सबै मुलुकका झन्डा सगरमाथा पुर्‍याएका थिए ।

ल्होत्से आरोहीको मृत्‍यु

मिती २०६७ बैशाख २५  दिन ल्होत्से हिमाल आरोहन गर्ने क्रममा रसियन नागरिक सर्गेइ डुगनोवको ४७०० मिटरमा मृत्‍यु भएको छ र उक्त म्रितक शरीरलाई आधार शिविरमा ल्याउने क्रम जारी छ